• Bez tēmas

„Man nav nikuo svareiguoka par tāvaini, dzymtū volūdu i saimi”O.Slišāns

Nu jau 5. godu myusu školā bārni var apmekliet nūvoda vuiceibas stundis. Tymuos teik apsprīsti ar Latgolu, Rēzekni saisteiti kulturas, tradiceju, viesturis, latgalīšu volūdas vaicuojumi.

Paguojušuo goda nūgalī Latgolas školu bārni tyka aicynuoti pīsadaliet Latgolas patriota Ontona Slišāna pīmiņai organizātā radūšū dorbu kokursā „Man nav nikuo svareiguoka par tāvaini, dzymtū volūdu i saimi”. Aizbraucūt iz Viļakas nūvoda Upītes cīma školu , kurā nūtyka konkursa izviertiejums, ar prīcu uzzynuojom, ka myusu školas 4. klašu bārni ir īguvuši gūdolguotuos vītas: Evelīna Līksniņa – 1.vītu, Renāts Kondrovs  – 3. vītu, Denita Kuzņecova – atzineibu.

Lai veicas arī turpmuokajūs radūšajūs izaicynuojumūs!

                                                            Nūvoda vuiceibas školuotuoja Ingūna Zeiļa

Jums var arī patīk ...